As deel van die Wêreld Ekonomiese Forum (WEF) se “Groot Herstel“-agenda vir die mensdom, sluit Ierse leiers aan by hul mede samesweerders in Nederland, Duitsland en Kanada om boere en hul plase uit te faseer, en wêreldwye voedseltekorte verder in gevaar te stel. Die Ierse regering beplan om ‘n vermindering van emissies van ongeveer 28 persent op boere af te dwing.
Dit is welbekend dat ‘n kern pilaar van Sosialisme en Kommunisme, is om mense te beheer, deur beheer van voedselproduksie te bekom. Ons waarsku al jare oor hierdie Rooi Gevaar. Nou het die ver linkse Kanadese leier Justin Trudeau het reeds aangekondig dat hy voortgaan met die WEF se sosialistiese plan om plase teen 2030 uit te faseer. Hy het gesê hy beplan om dit te doen deur die gebruik van Kanadese kunsmis te verminder, wat baie boere bankrot sal maak.
Intussen betoog Nederlandse boere al weke lank nadat hul regering beplan om hulle bankrot te maak, en die voedselvoorraad in Europa te vernietig. Eerste Minister Mark Rutte is een van die WEF se “Young Global Leaders” wat belowe het om te help om “The Great Reset” in te bring.
Volgens Breitbart News, kan boere in Ierland binnekort gedwing word om potensieel skadelike veranderinge aan hul besighede aan te bring, aangesien Ierse regeringsministers, wat klimaatpaniek en ander ver linkse idees versprei, beplan om die sektor se emissies met ongeveer 28 persent te verminder.
Amptenare binne die Ierse regering kibbel al ‘n geruime tyd oor hoe om die land se plase met groen wetgewing te beboet, ondanks die proteste en reaksies van boere in mede-EU-lidstaat Nederland, op die vermindering van stikstof emissies, weens die skade wat die EU- geïnspireerde beperkings op hul besighede sal plaas.
Volgens ‘n berig in The Times, het Ierland se landbouminister Charlie McConalogue reeds ingestem om ‘n 27 of 28 persent besnoeiing op die Ierse landbousektor af te dwing, ‘n maatreël wat plaaslike besighede ernstig sal ontwrig. Die koerant beweer egter ook dat McConalogue steeds onder intense druk is om ‘n 30%-besnoeiing af te dwing, ‘n stap wat volgens die hoof van een van die land se grootste landbou-organisasies, sal lei tot ‘n massiewe vermindering in die land se vee.
“‘n Teiken van 30 persent sal lei tot ‘n aansienlike vermindering in produksie, wat ‘n verwoestende uitwerking op Ierland se landbousektor kan hê,” het Tim Cullinan, president van die Ierse Boerevereniging, van so ‘n maatreël gesê.
Selfs teen die laer skatting van 28 persent, het een van die Ierse regering se eie amptenare erken dat dit nie “besigheid soos gewoonlik” sou wees nie, aangesien so ‘n stap drastiese veranderinge aan die Ierse landbou sou beteken.
“Die teikens vir elke sektor moet eweredig en in verhouding met die totale bydrae wees,” het Bill Callanan, die Departement van Landbou se hoofinspekteur, verlede week aan ‘n parlementêre komitee gesê.
“Anders as ander sektore, waar tegnologieë en/of lewenstylveranderinge toegepas kan word, is daar geen wondermiddel om produksie van landbou en grondgebruik te verminder nie,” het hy voortgegaan.
Ierland se enorme druk om landbou emissies met meer as ’n kwart te verminder, kom op ’n tydstip dat paaie en verspreidingsentrums in Nederland versper word deur boere, wat sê dat hul lewensbestaan uitgewis word deur die afdwinging van die EU se groen doelwitte deur hul land.
Die Nederlandse regering wil stikstof emissies in sommige gebiede met 95% verminder – ‘n maatreël wat sal beteken dat 30% van veeplase in die land gedwing sal word om te sluit.
Ten spyte van die verwoestende gevolge, het die regering handhawing deurgedruk en die sluitings beskryf as bloot ‘n “onvermydelike oorgang” wat deel is van die EU se hervormings.
“Om een of ander rede gaan hulle nie agter die lugrederye of ander nywerhede aan, wat eintlik bydra tot hierdie emissies nie, slegs die Nederlandse boere,” het politieke kommentator Eva Vlaardingerbroek aan Breitbart News gesê, tydens ‘n onderhoud met Alex Marlow, hoofredakteur van die netwerk.
“Hulle sê die boere moet 30 persent van hul grond teen 2030 prysgee, en vir baie van hierdie boere beteken dit om hul besigheid heeltemal te sluit, afhangende van waar hulle in die land is, en daardie grond gaan dan na die staat!” het sy verder gesê.
“Ons boere word onteien en die staat steel hul grond… en dikwels is dit besighede en plase wat hulle al eeue lank in hul gesinne het, want die landbousektor in Nederland is baie sterk,” het sy verduidelik en gewys op die bande wat die Eerste Minister van die land, Mark Rutte, saam met die Wêreld Ekonomiese Forum (WEF) het.
