‘n Onskuldige man op die punt om na Kanada te emigreer is verskeie kere tydens ‘n huisinval in Rustenburg geskiet. George Spalding (54), wat binnekort na Kanada sou emigreer, word nou in die ICU van die provinsiale hospitaal van Rustenburg behandel nadat hy Donderdagoggend minstens vier keer deur ‘n swart inbreker in sy huis in Cashan, Rustenburg, geskiet is.
Die voorval het tussen 0300-0400 plaasgevind toe Spalding aan die slaap was, toe hy ‘n geluid hoor wat hom wakker maak. Toe hy die deur van sy slaapkamer oopmaak, word hy ‘n paar keer deur die swart inbreker geskiet, wat van die gang af geskiet het. Die indringer het toe met ‘n skootrekenaar gevlug.
Die skieter het toegang tot die huis gekry deur ‘n venster te breek en die diefwering oop te dwing. Spalding het in sy motor geklim en straat toe gery en ‘n geraas met die toeter van sy motor gemaak, maar niemand in due buurt wou uitkom nie. Die gewonde Spalding het daarna etlike kilometers na die huis van vriende gery waar hy weer op sy motor se horing gedruk het. Gelukkig het mense daar, ook sy vriend, uit hul huise gekom en hulp ingeroep en Spalding gehelp om na die hospitaal toe te kom.
Die polisie ondersoek, maar daar is nog geen arrestasie gemaak nie.
