‘n Tweede Rustenburg-man is binne 48 uur deur huisindringers geskiet en ernstig gewond, nadat George Spalding (54) in die vroeë oggendure van Donderdagoggend in sy huis, in die Cashan-woonbuurt in Rustenburg geskiet is. Abel Pienaar (42) is ook in die vroeë oggendure van Saterdag in sy huis in Safari-Tuine, Rustenburg, in sy maag geskiet.
Ons het die George Spalding-voorval hier gedek en dit is moontlik dat dieselfde bende betrokke is. Albei mans word nou in die ICU van ‘n plaaslike hospitaal behandel. Pienaar woon saam met sy vrou Lizelle en 3 kinders, in ‘n omheinde kompleks en Pienaar het omstreeks 01:30 uitgegaan om die gesin se budgie, wat hy buite vergeet het, in te bring. Net toe Pienaar uitgaan en met die budgie terugkeer, kom ‘n indringer agter hom in. Die indringer wat ingekom het, ‘n swart mannetjie, was een van 3 indringers wat sopas by ‘n naburige woonstel ingebreek het en elektroniese toerusting gesteel het.
Hulle het gevlug toe ‘n seun in die woonstel wakker geword het tydens die voorval en geskree het. Pienaar het gedink aan die veiligheid van sy vrou en kinders en wou die indringer wegkry, so hy het hom genader. Die indringer het Pienaar in die maag geskiet nadat hy hom met sy eerste skoot gemis het. Pienaar se vrou en kinders het op die tweede verdieping van die dupleks geslaap toe die voorval plaasgevind het, maar het wakker geword van die skote.
Pienaar het Saterdag ‘n noodoperasie ondergaan en sal Maandag weer ‘n operasie ondergaan. Sy ingewande is beskadig en sy bekkenbeen is gebreek. Hy werk as rekenmeester, maar het nie ‘n mediese fonds nie. Sy hospitaalrekening sal waarskynlik enorm wees en met drie kinders sal dit nie vir hom maklik wees nie. Die bende is nog steeds los, aangesien geen arrestasies gemaak is nie.
