Terwyl die ANC-regime nog steeds ontken dat plaasaanvalle en plaasmoorde ‘n probleem is – wys statistiek ‘n toename in plaasaanvalle tussen 1999 en 2019. Afriforum het hul weergawe van die plaasaanval statistieke van 2019 vrygestel, wat as ‘n minimum geneem kan word, gegewe hul matige konserwatiewe benadering, en dit bevat slegs aanvalle wat aan hulle gerapporteer is. Nog steeds toon dit ‘n duidelike toename in die stadige oorlog en volksmoord op blankes en selfs plaaswerkers word geraak.
Die statistieke van Afriforum oor plaasmoorde en plaasaanvalle vir die 2019 jaar, toon dat plaasaanvalle vanaf 2011 jaarliks toegeneem het met altesaam 552 plaasaanvalle wat in 2019 by Afriforum aangemeld is. Dit is ‘n toename van 27% vanaf die 433 plaasaanvalle wat in 2018 aangemeld is. Lorraine Claassen, ‘n ontleder by Afriforum, sê die meeste plaasmoorde was verlede jaar in die Vrystaat, altesaam 11.
Die getal plaasmoorde in die Vrystaat het die afgelope drie jaar aansienlik gestyg, maar steeds het 30% van die plaasaanvalle verlede jaar in Gauteng plaasgevind. Claasen verduidelik dat misdadigers in een nag veelvuldige kleinhoewes soos dié in Erasmia en Muldersdrift kan aanval omdat hulle naby mekaar is. Claasen sê dat 905 mense verlede jaar geraak is deur aanvalle op plase en kleinhoewes.
In 26% van die plaasaanvalle was daar ‘n definitiewe poging tot moord. Moorde is gepleeg in 9% van die plaasaanvalle en verkragting in 3% van die plaasaanvalle. Daar was gemiddeld 1,1 plaasmoorde per week en 1,5% plaasaanvalle per dag in 2019. Die gemiddelde aantal aanvallers per voorval was 3. Volgens Claasen was die meeste plaasaanvalle gedwonge toegang deur byvoorbeeld deure af te breek of diefwering te buig, en die meeste plaasaanvallers kom met ‘n voertuig (wat patrollies van landelike paaie noodsaaklik maak omdat die polisie dit nie doen nie).
Theo de Jager, hoof van die landbouliggaam Saai, sê in 26% van die gevalle was plaaswerkers ook die slagoffers van aanvalle. Ian Cameron van Afriforum wys daarop dat die statistieke wys dat dit duidelik is dat die Suid-Afrikaanse Polisie, en die regering nie in staat is, of nie wil, of albei, boere en plaaswerkers wil beskerm nie, en dat boere hulself sal moet verdedig (so begin asb. om jou vuurwapens te dra en hou dit byderhand, en nie altyd in ‘n kluis weggesteek waar die misdadigers dit sal neem as hulle jou in jou bed verras nie).
Net hierdie week is berig dat die liggame van 2 mans, 50 en 54 jaar oud, op ‘n kleinhoewe by Maclear in die Oos-Kaap gevind is. Hul hande was vasgebind en kele afgesny. Hul name is nie bekend gemaak nie.
