Vanweë die feit dat munisipaliteite nie betaal nie, beweeg Eskom elke maand verder in die rooi teen ‘n verbysterende koers van byna R1 miljard. Afgesien van SOWETO, waar gebruikers weier om te betaal, betaal die meeste gebruikers wel, maar hul betalings word onderskep deur korrupte munisipaliteite, waar die geld geneem word en bedrieglik bestee word aan luukshede en persoonlike uitgawes van raadslede.
Volgens die jongste verslag is die skuldlas van munisipaliteite meer as R24 Biljoen by Eskom, die grootste deel daarvan by SOWETO, wat ‘n duidelike rede is waarom die entiteit bankrot geraak het. Die rente daarop moet fenomenaal wees, as dit ooit betaal sou word. In plaas daarvan word die bankiers ryk aan rente deur geld aan Eskom te leen.
Maar ekonomiese adviseurs meen Eskom is deels verantwoordelik vir die situasie, want as hy behoorlike kredietbeheer toegepas het, sou ‘n slegs een maand se elektrisiteitsrekening vir elke munisipaliteit uitstaande gewees het.
Kenners meen ook dat die krag van ‘n munisipaliteit op 45 dae afgesny moet word, maar dit is net die verbruiker wat sal ly aangesien die korrupte raadslede wat die geld steel, nie omgee nie.
Terwyl ‘n mens sou dink dat inwoners van dorpe vinnig van ‘n stadsraad en regering ontslae sal raak, wat verantwoordelik dat die krag afgeskakel is weens wanbetaling, het ons in werklikheid ‘n paar betogings en eiendomsbeskadiging gesien waar munisipale geboue afgebrand is. Hulle stem nog altyd ANC.
Die logies verantwoordelike antwoord is dat ESKOM betalings van sy gebruiker direk insamel om die kriminele middelman uit te sny.
