‘n Belgiese sjokoladefabriek in Gauteng is stomgeslaan toe hy deur die Departement van Arbeid vertel is dat hy te veel swart vrouens in diens het! In goeie ou kommunistiese tradisie, het die ANC se indiensnemingspolisie van die Departement van Arbeid, wat probeer om die ANC-regime se streng nasionale demografiese rassekwotastelsel (ook bekend as “representivity”), vir die werkplek, af te dwing op ‘n familieonderneming in Kempton Park, wat Belgiese sjokolade vervaardig.
Die klopjag het begin na die eienaar van die onderneming, mnr. Kees Beyers, verstom gelaat is nadat die inspekteur van die Departement van Arbeid, Thabo Masenya, aan hom gesê het, dat hy te veel swart vroue in diens het. Nee, dit is nie valse nuus nie! Dit het sowaar gebeur! Mnr. Beyers, wat in België gebore is, het die familieonderneming meer as 30 jaar gelede in Suid-Afrika begin. Hy het aanvanklik by sy suster gaan werk en SA soveel geniet, dat hy besluit het om te bly en sy eie onderneming te begin.
Beyers Sjokolade werf vandag meer as 400 mense, en driekwart daarvan is swart vrouens. ‘n Mens sou kon dink dat die soort verbintenis om “voorheen benadeelde” vrouens in diens te neem, hom lof sou verdien, maar nee, dit is juis met hierdie swart vrouens waarmee wat die ANC se departement van arbeid ‘n probleem mee het. Die arbeidsinspekteur Thabo Masenya het die onderneming ná sy onlangse besoek gewaarsku dat die onderneming slegs altesaam 36, 2% swart vrouens kan in diens neem, want dit is die rassedemografie van Gauteng. Mnr. Beyers het aan Rapport gesê dat indien sy onderneming nie voldoen nie, die departement gedreig het om hom na die arbeidshof toe te neem.
Of die demografiese statistieke van die Departement van Arbeid korrek is, is ook betwyfelbaar, omdat die ANC en hul amptenare ook nie te goed kan tel nie, en dit word bewys deur die tweede probleem wat die inspekteur gehad het. Ja, daar is meer! Inspekteur Masenya het ook gevra waarom mnr. Beyers ‘n swart Zimbabwiese ingenieur in diens het, want, wag daarvoor, volgens die Departement van Arbeidsstatistieke toon die rassedemografie dat daar 0% Zimbabwiërs en ander buitelanders in Gauteng is! Enige inwoners van Gauteng sal bevestig dat dit ‘n leuen is!
Dit lyk asof die probleem in 2018 begin het, toe die onderneming ‘n voorlegging aan die Departement van Arbeid moes voltooi met die uiteensetting van die rasse-samestelling van hul werknemers. Moes alle besighede in Gauteng dit ook doen? Dit het gelei tot ‘n vergadering met die departement van Arbeid in November verlede jaar. Dit was in hierdie vergadering dat die departement van arbeid die bestuur ingelig het dat hulle ‘n probleem het met die feit dat die onderneming te veel swart vrouens in diens het.
Lize Arnott, die menslikehulpbronbestuurder van Beyers Sjokolade, het aan Rapport verduidelik dat die aard van die werk van so ‘n aard is, dat vroue beter daaraan toegestaan is. Die werk behels fyn werk soos die bind van linte en mans doen nie soveel aansoek as vrouens nie. Arnott sê dat hulle vir inspekteur Masenya genooi het om vir homself te kom kyk, maar toe hulle hom uitnooi om ‘n draai op die werksvloer te neem, het Masenya baie aggressief geraak en hulle met die arbeidshof gedreig. Waar het jy ooit gehoor van ‘n arbeidsinspekteur wat bang is vir die werksvloer?
Die inspekteur het ook Beyers Sjokolade daarvan beskuldig dat hy “nie transformeer nie”. Kan iemand nou die komplikasies voorstel as Beyers Sjokolade slegs arm wit vroulike werkers in diens geneem het? Ja, daar is meer as genoeg van hulle wat bereid is om vir selfs laer lone te werk, te danke aan die onderdrukkende SEB-wette. Maar transformasie en representiviteit is net die verskoning, want die kern van die saak is egter dat die ANC se rassistiese en seksistiese SEB-wette, die meeste SEB-punte gee as U swart vrouens in diens neem, so baie ondernemings in SA doen uiteraard presies dit, en so word ‘n kunsmatig swart vroulike bevoorregte klas geskep. Dus, in wese het die ANC homself hier in die voet geskiet, soos kommunisme gewoonlik doen, en hulle hou nie daarvan as ‘n wit man baat vind by hul eie rassisme nie… wit mans is mos heel onder op die BEE weegskaal. Herhaal net die leuen dat ons almal dieselfde is, indien hierdie jou ongemaklik laat voel…
Toe Rapport kontak gemaak het, het die hoofdirekteur van Arbeid in Gauteng die optrede van Masenya gesteun en gesê Beyers Sjokolade kan ‘transformeer‘ deur byvoorbeeld natuurlike werknemersomset (wanneer mense bedank). Maar Arnott sê hul werknemers is gelukkig en bly nog lank by hulle. Hulle het glad nie ‘n hoë personeel omset nie. Binnekort sal die dag aanbreek dat ‘n Stasi-burgermag opgerig word en U buurman sal beloon word omdat hy inligting oor U aan die regime gegee het, soos in die kommunistiese Oos-Duitsland gebeur het, voor die val van die Kommunistiese Ystergordyn. ‘n Mens wonder eintlik hoe hierdie klein sjokoladefabriek in die eerste plek onder die regime se aandag gekom het? Was dit regtig net omdat hulle ‘n vorm ingevul het? Of soek die ou net omkoopgeld?
Die ANC-regering is veronderstel om dieselfde nasionale representatiewe stelsel van rasse-demografiese profiel in die Wes-Kaap te implementeer, waar die wit en bruin bevolking 70% van die bevolking is. Tog stel die nasionale regering 90% swart mense daar aan en verwag ook dat private ondernemings dieselfde sal doen. Solidariteit het hierdie praktyk suksesvol betwis in die Arbeidshof in die saak van die departement van korrektiewe dienste, maar die nasionale regering ignoreer die beslissing van die Hof tot vandag toe, wat hul ware aard as ‘n swart supremacistiese beweging bewys. Totalitarisme 101. “Representivity” is ‘n klassieke kommunistiese bedrogspul soos “kaderontplooiing” – selfs Obama het dit in die VSA probeer implementeer…
Lees ook: Ingenieur by Eskom nie geregtig tot bevordering omdat hy wit is – BEE kry voorkeur alhoewel kandidaat nie bevoeg is – Geen wonder kragnetwerk is in so ’n toestand!
