Posted on Leave a comment

Chaos heers in Pretoria se middestad na talle busdrywers staak en paaie versper vir 18% salaris verhoging

Chaos heer in Pretoria se middestad na talle busdrywers staak en paaie versper vir 18% salaris verhoging

Verkeer in die Pretoria se middestad is Maandagoggend tot stilstand geruk na talle busdrywers van die Tshwane-busdiens besluit het om te staak.

Betogende busbestuurders van die Tshwane-munisipale busdienste het busse gebruik om hoofroetes te blokkeer om verkeersvloei te belemmer. Sheila-Lynn Senkubuge, burgemeesterskomiteelid vir paaie en vervoer in Tshwane sê dat Samwu-lede om beter lone betoog, maar ’n stappie te vêr gegaan deur busse sonder toestemming van die stad te neem om die sakekern te blokkeer en honderde motoriste te verontrief en moet nou deur die metro weggesleep word. Sy vra onverskoning vir die ontrief en gaan vêrder deur te sê dat die stad alles in hul vermoë doen om die busse te verwyder sodat verkeersvloei vir die res van die dag kan normaliseer. Senkubuge sê ook dat hul die opsie oorweeg om die busbestuurders wat die busse wederregtelik uit die depot geneem het, van diefstal aan te kla.

Netwerk 24 berig dat Mpho Tladinyane, streeksekretaris van Samwu in die Groter Tshwane-streek, Maandag aan die onderhandelings vir ’n 18%-loonverhoging vir munisipale werkers het op niks uitgeloop nie en die verbreking van die dooiepunt word doelbewus deur die Tshwane-metro vertraag.

Volgens Tladinyane is munisipale busbestuurders ontevrede oor die salarisverhogings wat sommige afdelingshoofde gekry het. “Werknemers op laer vlakke se salarisse is nie verhoog nie. Al wat Samwu eis, is die billike behandeling van dié groep. Die metro gebruik ’n vertragingstaktiek aangesien daar nie op werkers se eise gereageer word nie en voortgegaan is met die herstrukturing van vergoedingspakkette. Dié reaksie van die metro beskou ons as ’n verwerping van ons 18%-eis,” sê Tladinyane.

“Dit is jammer dat ons tot hierdie uiterste moet gaan om die metro se aandag te kry,” sê hy. Hy wou hom egter nie verder uitlaat oor die versperring van paaie as deel van die protesoptrede nie.

Isaac Mahamba, woordvoerder van die Tshwane- metropolisie, het vroeër gesê roetes soos Es’kia Mphahlele-, WF Nokoma-, Thabo Sehume- en Madibastraat word deur die busse versper.


Posted on Leave a comment

Die busse in die Tshwane-metro ry al weer nie

Die busse in die Tshwane-metro ry al weer nie

Selby Bokaba, woordvoerder van die metro, sê busbestuurders het Woensdag omstreeks 12:00 opgehou werk en alle hekke by al die busdepots gesluit om busse te verhinder om die depots te verlaat.

“Hulle weier om redes te verskaf waarom hulle staak.”

Die stakende busbestuurders is lede van die Suid-Afrikaanse Munisipale Werkersunie (Samwu).

“Ander busbestuurders van ander vakbonde soos Imatu (die Municipal and Allied Trade Union) wil werk, maar het uit vrees vir hul lewe ook nie vir werk opgedaag nie.”

Die metro sal dringend met die stakende werkers vergader om ’n oplossing te probeer vind om hul “onbekende griewe” te hanteer.

“Die bestuur van die metro meen onderhandelings is die beste en enigste oplossing om die griewe van die werknemers op te klaar, wat dit ook al mag wees.

“Ons vra ons buspendelaars om verskoning vir die ongerief wat hulle weens die staking ervaar. Ons doen ’n beroep op hulle om ander reisreëlings te tref. Ons sal hulle op die hoogte van sake hou.”

Dié busdiens is in die verlede verskeie kere weens arbeidsgeskille ontwrig.

Deur: Netwerk 24