Tag: Afrikaners

Posted on by — Leave a comment

AfriForum dagvaar polisie om vir onwettige grondgryp te betaal – Polisie het versuim om hul pligte tydens ’n grondgryp naby Onderstepoort in Pretoria, uit te voer

AfriForum dagvaar polisie om vir grondgryp te betaal - Polisie het versuim om hul pligte tydens ’n grondgryp naby Onderstepoort in Pretoria, uit te voer

Die verontregte eienaar van ’n plaas naby Onderstepoort in Pretoria het vandag in samewerking met AfriForum ’n dagvaarding uitgereik teen Bheki Cele, minister van polisie, om die kostes en uitgawes verbonde aan ’n dringende uitsettingsaansoek in 2018 te verhaal. Die polisie het versuim om hul pligte tydens ’n grondgryp wat op die perseel plaasgevind het, uit te voer.

Die polisie het in Augustus verlede jaar geweier om dr. Motodi Maserumule by te staan om betreders te arresteer wat sy grond wederregtelik betree en begin het om strukture op te rig.

Dr. Maserumule het AfriForum genader en ’n dringende hofbevel bekom wat gelas het dat die betreders verwyder word, en dat die polisie die balju daarmee behulpsaam moet wees. Dr. Maserumule en AfriForum het die Rooimiere ’n mandaat gegee om die betreders en strukture te help verwyder.

“AfriForum raak betrokke by sake soos hierdie om toe te sien dat die polisie gedwing word om hulle werk te doen. Ons hoop dat hierdie eis as afskrikmiddel sal dien sou die polisie in die toekoms huiwer om hul grondwetlike mandaat uit te voer. AfriForum sal hierdie litigasieproses deursien ten einde die gemeenskap daarop attent te maak dat die wetstoepassingsowerhede se laksheid nie ongesiens verby gaan nie. Hierdie dagvaarding sal dien as ’n swaard oor die kop van instansies wat deur die Grondwet getaak word om burgers teen misdaad te beskerm. Hulle moet hul mandaat uitvoer of die gevolge dra,” sê Ian Cameron, AfriForum se hoof van gemeenskapsveiligheid.

Die dagvaarding is op die minister beteken. Hy het die geleentheid om ’n verweer teen die eis te opper al dan nie. Dan sal die proses gevolg word totdat ’n regter ’n beslissing hieroor kan maak.

“In die dagvaarding word daar verder versoek dat die minister ook die regskostes verbonde aan hierdie aksie moet betaal. Indien hy dus ’n poging aanwend om ’n power verweerskrif te liasseer, en die eis slaag, sal dit ’n duur oefening vir die polisie wees. AfriForum glo dat die polisie aan die einde van dié aksie twee keer sal dink voordat hulle hul plig weier,” sluit Marnus Kamfer, regs-en-risikobestuurder vir gemeenskapsveiligheid by AfriForum, af.

AfriForum
Hierdie berig weerspieël nie noodwendig die mening van SAUK-nuus nie.

Posted on by — Leave a comment

Bejaardes lê ure vasgebind na plaasaanvallers inreek by hul plaashuis naby Pretoria

Bejaardes lê ure vasgebind na plaasaanvallers inreek by hul plaashuis

’n Egpaar van in hul 80’s moes heelaand vasgebind lê terwyl rowers hul plaashuis geplunder het.

James (84) en Lenie Leask (87) van Boekenhoutskloofdrift, tussen Pretoria en Cullinan, kon eers Maandagoggend om 07:00 hulp ontbied toe hul werkers ingekom het.

André van Heerden van die Cullinan-gemeenskapspolisiëringsforum (GPF) sê die egpaar is nie seker presies wanneer die aanvallers Sondagaand die huis ingekom het nie, maar hulle het wakker geword toe ’n flitslig in hul oë geskyn word.

Dit is onbekend of die rowers gewapen was, maar daar was vermoedelik drie van hulle.

Hulle het die diefwering voor een van die vensters afgeknip, waarna hulle die slapende Leasks in hul slaapkamer verras het.

“Die slagoffers is met elektriese koorde vasgebind en die kamerdeur is van buite af gesluit. Daarna het die rowers deur die hele huis, byna elke laai en kas, gegrawe.

“Hulle het van die drank in die huis gedrink en elektroniese toerusting, soos selfone, ’n televisie en skootrekenaars in die Leask-egpaar se silwer BMW en Ford Courier-bakkie gelaai,” sê Van Heerden.

Die aanvallers is eers net voor ligdag met die voertuie en buit daar weg.

Toe dit stil word in die huis, het Lenie haarself losgewikkel gekry, maar omdat hulle in die kamer toegesluit was en hul fone geroof is, kon die egpaar eers hulp ontbied toe die werkers hulle aanmeld.

“James se gewrigte was effens geswel van die vasbind en Lenie het merke van toe sy vermoedelik tydens die loswoel van die bed afgeval het, maar verder is hulle nie beseer nie,” sê Van Heerden.

Daarna het die rowers deur die hele huis, byna elke laai en kas, gegrawe.

Die polisie op Cullinan en die egpaar se kinders is dadelik ontbied.

Die GPF het ook gereël vir berading vir die egpaar en Lenie is later Maandag hospitaal toe geneem om seker te maak sy is ongedeerd, terwyl die polisie se forensiese kundiges en honde-eenheid die toneel gefynkam het.

Die geroofde bakkie is later verlate in Rietgat, Soshanguve, noord van Pretoria, gevind maar die BMW is steeds soek.

Netwerk 24
Hierdie verslag weerspieël nie noodwendig die mening van SAUK nuus nie

Posted on by — Leave a comment

Pretoria FM maak planne bekend om nuwe Afrikaanse-musiek toekenningsgeleentheid te loods

Pretoria FM maak planne bekend om nuwe Afrikaanse-musiek toekenningsgeleentheid te loods

Die Afrikaanse gemeenskapstasie, Pretoria FM, het pas planne bekendgemaak om ‘n nuwe Afrikaanse-musiek toekenningsgeleentheid van stapel te stuur.

Die uitvoerende Hoof van Pretoria FM, Mnr Hennie Koortzen het in ‘n verklaring gesê die radiostasie het groot waardering vir die werk van alle Afrikaanse liedjieskrywers en sangers, wat deurgaans werk van hoë gehalte lewer en wil verseker dat hulle die nodige erkenning in die musiekbedryf ontvang.

“Ons is verder van mening dat sulke toekennings in alle opsigte deursigtig en geloofwaardig moet wees en dat die gehalte van musiek en lirieke die enigste kriteria moet wees waarop beoordeling moet geskied”, het Koortzen bygevoeg.

Pretoria FM kondig dus met trots aan dat die stasie se bestuur besluit het om ‘n splinternuwe glansgeleentheid te skep waartydens Afrikaanse musiek en kunstenaars van gehalte, beloon kan word vir die bydrae wat hulle tot musiek en die kunste in sy geheel lewer.

Die nuwe toekenningsgeleentheid beloof om ‘n skouspel van hoogstaande gehalte te wees en sal tydens die tweede helfte van die jaar in Pretoria in samewerking met belangrike rolspelers in die bedryf aangebied word.

Meer besonderhede, soos die naam van die nuwe toekenningsgeleentheid, die beoordelaars en kategorieë, sal binnekort in die media en op sosiale platforms bekend gemaak sal word.

Hierdie berig weerspieël nie noodwendig die mening van Pretoria.ws nie.

Posted on by — Leave a comment

Gekaapte Radio Pretoria val uit die bus tydens Liberty Toekennings

Gekaapte Radio Pretoria val uit die bus tydens Liberty Toekennings

Met die “Liberty Toekennings” vir radiostasies het die gekaapte Radio Pretoria, wat Pretoria FM geword het, totaal uit die bus geval wat ’n paar dinge bewys.

Ten eerste is dit nie meer ’n volksgerigte radiostasie nie, daarvan getuig die swak reaksie om vir die patetiese draadloos te stem.

Dan is dit verstaanbaar, want die misleiding (volgens luisteraars), asof dit ’n Afrikaanse sender is, word nie deur mense geglo nie, want te veel Engels op hulle kamtige “koerant” en die sieklike gebruik om die sender te oordonder met volksvreemde musiek, het die getroue luisteraars van weleer verjaag.

Die slegte aanbieding van onkundige omroepers het die seel op alles gesit, en daarom is geen afdeling of kategorie aan die ellendige stasie toegeken as wenners nie – want wie stem vir verloorders.

Die radiostasie se agteruitgang het begin toe Buys en sy meelopers die radio gekaap het, en daarna begin het om die eens gewilde radiostasies in die grond in te bestuur met hulle benaderings wat weg is van volks-gerigtheid omdat hulle kamma net Afrikaans wil wes (met Engelse musiek).

Die opvallende is dat die personeel wat aanhoudend gepleit het dat mense op die internet vir hulle stasie moet stem, nou swyg soos die graf, want hulle het kwalik in aanmerking gekom vir ’n moontlike wn.

Miskien sal die stasie nou nog verder na links beweeg in ’n wanhoopspoging om stemme te werf vir ’n volgende rondte.

Gelukkig is daar ander maniere om musiek en inligting te bekom as om met die patetiese radio opgeskeep te sit.

L C de Klerk
Deur: Die Vryburger
Hierdie berig weerspieël nie noodwendig die mening van SAUK-nuus nie.

Posted on by — Leave a comment

Pretoria beplan aktivering van ou kragsentrales as plan B indien Eskom nie aan die aanvraag van elektrisiteit kan voorsien

Pretoria beplan aktivering van ou kragsentrales as plan B indien Eskom nie aan die aanvraag van elektrisiteit kan voorsien

Die Stadsraad van Pretoria is glo besig om die twee ou kragsentrales van die stad op te gradeer en weer in werking te stel in die lig van die onsekerheid oor kraglewering deur Eskom.

Een kragsentrale in die westelike deel van die stad en die Rooiwal kragstasie beskik oor die gesamentlike potensiaal om 1,000 MW krag te lewer as hulle opgradeer word.

Die twee aanlegte is aanvanklik opgerig om met antrasiet te werk, maar omdat die uitvoer prys daarvan baie goed is, het dit meer voordeel ingehou as wat dit met elektrisiteit opwekking is.

Die omskakeling na steenkool kan bekostigbaar wees, maar inwoners sê die opgradering moet ook die versekering bied dat lugbesoedeling nie die stad onleefbaar maak nie.

Deur: Die Vryburger
Hierdie berig weerspieël nie noodwendig die mening van SAUK-nuus nie.

Posted on by — Leave a comment

Polisie se misdaad rekord styg – Twee Metropolisie lede van Pretoria op heterdaad betrap met ’n gesteelde voertuig in hul besit

Polisie se misdaad rekord is aan die styg - Twee Metropolisie lede van Pretoria op heterdaad betrap met ’n gesteelde voertuig in hul besit

Twee lede van die Pretoriase Metro Polisie is in hegtenis geneem nadat ‘n gesteelde voertuig in hul besit gevind is.

Die voertuig wat in Eldoraigne gesteel is, is opgemerk by ‘n woning in Philip Nel Park. Die eienaar van die huis, ‘n vroulike lid van die Metropolisie is gearresteer en na verdere ondersoek is nog twee verdagtes aangekeer. Die een is getroud met die vroulike konstabel en word tans opgelei deur die Metro Polisie.

Dit blyk dat die polisie se misdaad rekord aan die styg is as gelet word op die groot aantal voorvalle waarby beamptes betrokke was in die afgelope maande.

Deur: Die Vryburger
Hierdie berig weerspieël nie noodwendig die mening van SAUK-nuus nie.

Posted on by — Leave a comment

Frail and elderly patients at Huis Davidtz Retirement Home take on role of nurses after yet another service disruption at the home

Frail and elderly patients at Huis Davidtz Retirement Home take on role of nurses due to strike action

Pretoria – The frail and elderly patients at Huis Davidtz Retirement Home assumed the role of nurses, while they cleaned dishes and swept the floor, after yet another service disruption at the home.

Some did not receive their daily chronic medication, while others were cleaned and fed late.

One patient who has arthritis lay with a urine filled and unchanged diaper, which further gave the room a strong scent.

The person was one of many patients at the troubled centre in the CBD, who have been left unattended while staff, who have worked there for decades without work contracts, went on strike.

The issue of contracts date back to two decades ago with staff claiming they have worked at the home for more than 20 years without employment contracts.

They also made allegations of racism, the abuse of patients by management, being underpaid, and more.

In August, disgruntled nurses, volunteers, chefs and cleaners went on a three-day strike, led by the EFF with police keeping watch.

It came on the heels of another protest in March. Only four staff nurses are currently volunteering to look after more than 1000 patients but said they were barely coping.

One volunteer said she resorted to asking some of the patients to assist with duties.

One of the workers who has also downed tools said they feared the Life Esidimeni tragedy would repeat itself at the centre.

They vowed not to go back to work until something was done.

“We don’t want another Life Esidimeni incident here, but we also don’t have a choice because we want to see these issues get resolved.

The government if fully aware of what’s happening here but no one wants to assist us, so we are not going back to work until we get the help we need,” she said.

The Social Development MEC, Nandi Mayathula-Khoza, called for an urgent investigation into the home in August last year.

Mayathula-Khoza asked for a full report with solid evidence on all allegations labelled against the centre, which led to employees going on strike.

She asked for the report during her visit to the centre. She said she could only come up with an action plan to resolve the issues once a report has been compiled.

Pretoria News
This report does not necessarily reflects the opinion of SA-news.

Posted on by — Leave a comment

Civil rights organisation, ’AfriForum tackles 4 000 hectare residential land claim in Centurion

civil rights organisation’

AfriForum announced at a media conference in Centurion on 5 February 2019, that the civil rights organisation’s legal representatives had informed the Land Claims Commission in writing of the organisation’s intent to oppose a land claim that had been instituted on about 4 000 hectares residential land in the Centurion area.

“AfriForum already has the necessary resources to take immediate action against this claim. We want to ensure our members and the affected community that this attack on their property will not pass unobserved. AfriForum already has an action plan in place and is taking the necessary steps to oppose this attack on private property rights,” says Ian Cameron, AfriForum’s Head of Community Safety.

AfriForum will hold a community meeting on 19 February 2019 at 19:00 at the Leriba Lodge to address community members who own immovable property in Centurion. The organisation will inform the community at the meeting of all the facts surrounding the land claim, as well as the steps to be taken, the organisation’s action plan and what has already been done.

“It is important that the community knows all the facts and that it presents AfriForum with a written mandate to enable the organisation to fight this battle on their behalf,” Cameron says.

Read the original article in Afrikaans on AfriForum

Posted on by — Leave a comment

Tuks faseer tans Afrikaans uit as onderrigtaal – slegs Engels sal nou as primêre taal van kommunikasie en administrasie gebruik word

Tuks faseer tans Afrikaans uit as onderrigtaal - slegs Engels sal nou as primêre taal van kommunikasie en administrasie gebruik word

Die Universiteit van Pretoria tans besig om Afrikaans as die amptelike onderrigtaal by al sy kampusse en koshuise uit te faseer.

Die universiteit sal nou slegs Engels as primêre taal van kommunikasie en administrasie gebruik.

Rikus Delport, woordvoerder van die Universiteit, het gesê die beleid is in 2016 deur die universiteit se raad en senaat aangeneem ná ‘n uitgebreide konsultasieproses en aanbevelings van alle belanghebbende partye.

“Die verandering in beleid is daarop gemik om maatskaplike samehorigheid te fasiliteer en die universiteit sal steeds meertaligheid omhels en aanmoedig om eenheid te bevorder en gelyke geleenthede vir sprekers van alle Suid-Afrikaanse tale te bied,” het hy gesê.

Delport het gesê die besluit van die onderskeie belangegroepe is deur die bevindings ingelig dat die persentasie studente wat hul huistaal as Afrikaans aangemeld het, tussen 1992 en 2015 van 85% tot 30% afgeneem het.

“In 2016 het ongeveer 18% van die studente ‘n voorkeur vir Afrikaans as onderrigmedium uitgespreek.”

Hy het gesê hoewel die uitfasering vanjaar plaasvind, sal dit geleidelik gedoen word om Afrikaanse studente te akkommodeer.

Die uitsondering sal gegee word waar studente ander tale studeer, en in programme met beroepspesifieke taal uitkomste. Sulke programme sal deur die Senaat goedgekeur moet word, het Delport gesê.

Lees die oorspronklike berig in Engels by The Citizen

Posted on by — Leave a comment

Waarskuwing: Nuwe dwelm middel, soortgelyk aan dagga, laat beland jong tieners in ernstige toestand in hospitaal

Polisie het dringend ‘n onbekende stof vir forensiese toetsing gestuur, na 14 jong volwassenes en tieners wat in Pretoria woonagtig is na die hospitaal gehaas moes word nadat hulle ’n onbekende kruiemengsel wat bekend staan as puff or blazing gebruik het.

Dit kom na die voorval waar drie tieners van Pretoria-Wes, Maandagmiddag na die hospitaal gehaas moet word, geklee nog in hul skooldrag, nadat hulle die onbekende stof gerook het.

Xander Loubser, woordvoerder van BestCare, het die voorval bevestig en gesê dat die drie tieners in ‘n ernstige toestand was en is behandel vir simptome soos aanvalle, psigose, naarheid, braking en hallusinasies.

Al drie tieners is gestabiliseer en na die Eugene Marais-hospitaal vervoer vir verdere mediese sorg.

In ‘n video wat wat geneem is, kan gesien word hoe een van die leerlinge, met ’n drup in sy arm, hewig veg en baklei met een van die paramedici. Daar kan ook op die greep gehoor word dat die seun ontken dat hy iets gerook het. Op die toneel waar die seun gevind is, het die noodhulp beamptes ’n verdagte pakkie opgetel met ’n onbekende stof wat amper soos dagga lyk.

 

Kapt. Augustina Selepe, woordvoerder van die Suid-Afrikaanse Polisiediens, het gesê die onbekende stof is verpak in ‘n swart sakkie. Die stof is soortgelyk aan dagga, het Selepe gesê.

“SAPD het dringend die stof na ‘n SAPD-forensiese laboratorium gestuur vir toetsing. Die polisie het intussen ‘n ondersoek geloods wagtend op die forensiese uitslae.”

Die dwelm wat amper dieselfde voorkoms as dagge vertoon, word in aantreklike pakkies verkoop wat soortgelyk is aan kondoom verpakkings. Dit staan bekend as Huff, Blazing, Fun Bubblegum, Tutti Frutti en Crazy Coconut.

Die dwelm word ook in ‘n zol gerol, soos die dwelm middel dagga, en dan gerook.

Die polisie het ouers gevra om hul kinders te waarsku oor die gevare van die gebruik van onbekende stowwe. Een van die grootste struikelblok is, is dat die dwelm na bewering vrylik beskik baar is en  kan gekoop word in die tabak winkels en by drankwinkels sommer so oor die toonbank.

Die polisie het  intussen ook ouers aangemoedig om verdagte pakkies te verwyder wat hul kinders in hul besit het en die saak aan die polisie rapporteer.

Die volgende whatsup stemboodskap is gestuur deur een van die paramidici wat op van die tonele was.

Deur: Elizaan de Koker